«Мо бояд ҳамеша дар назар дошта бошем, ки терроризм ва террористро ба худӣ ва бегона, ашаддӣ ва ислоҳгаро ё хубу бад ҷудо кардан мумкин нест».
Эмомалӣ Раҳмон
Терроризм ва ифротгароӣ яке аз зуҳуроти номатлуб дар замони имрўза ба шумор меравад, зеро он боиси ба миён омадани оқибатҳои нохуш – таҳдид ё истифодаи зўроварӣ, расонидани зарари вазнин, беинтизомӣ, тағйири сохти конститутсионӣ дар мамлакат, барангехтани низои миллӣ, иҷтимоӣ ва динӣ мебошад.
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳанӯз чанд сол пеш бо эҳсоси ин хатар ҷомеаи ҷаҳониро ҳушдор дода буданд, ки ба он бетараф набошанд ва дар ин самт тадбирҳои заруриро биандешанд.
1 июни соли 2021 Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 ва Нақшаи амал оид ба амалисозии онро бо фармони хеш таҳти №187 тасдиқ намуданд.Терроризм ба маънои васеъаш истифодаи зӯроварии барқасдона барои ноил шудан ба ҳадафҳои сиёсӣ мебошад.
Дар мавриди терроризм сухан ронда, мафҳуми «экстремизм»-ро зикр накардан мумкин нест. Аксар вақт ин истилоҳҳо бо ҳам омехта мешаванд, махсусан ҳангоми содир кардани ҳамлаҳои террористӣ. Дарвоқеъ, терроризм танҳо яке аз зуҳуроти ифротгароӣ нест . Худи мафҳуми «ифротгароӣ» ба маънои пайравии шахс ё гурӯҳи одамон ба идеологияи муайяни дорои хусусияти радикалӣ мебошад. Фаъолияти ифротгароён ҳамеша ба сӯи сиёсатмадорон ё ҷомеа нигаронида шудааст.
Терроризм аз нуқтаи назари ҳуқуқӣ чунин аст: «Ин содир намудани амалҳое мебошанд, ки ба одамон хатари марг ба миён меоварад, истифодаи он мақсади ҷисмонӣ, бартараф кардани рақибони сиёсӣ, вайрон кардани бехатарии ҷамъиятӣ, тарсонидани аҳолӣ ё расонидани таъсир барои аз тарафи ҳокимият қабул кардани қарорҳо мебошад».
Дар Паёми Президенти Ҷумҳурии Тоҷикистон мунтазам афзудани мушкилоти аср ва таҳдидҳои нав ба тамаддуни башарӣ ёдовар шуданд ва таъкид мегардад: «Терроризм ва экстремизм, аз як ҷониб, чун вабои аср хатари глобалии ҷиддӣ буда, аз ҷониби дигар, аъмоли он гувоҳ аст, ки террорист ватан, миллат ва дину мазҳаб надорад, балки як таҳдиде ба ҷомеаи ҷаҳонӣ ва ҷони ҳар як сокини сайёра аст».
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баромадҳояшон пайваста қайд мекунанд, ки «Терроризм ватан, забон, наҷод ва дин надорад”.
1 июни соли 2021 Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 ва Нақшаи амал оид ба амалисозии онро бо фармони хеш №187 тасдиқ намуданд.
Террористон барои расидан ба ҳадафҳои худ аз кушодагии ҷаҳони мутамаддин истифода мекунанд. Пештар ташкилу анҷом додани амалҳои террористӣ барояшон аз масофа ва ҳамоҳангии амалҳо мушкилтар буд. Ҳоло ин гуна мушкилот вуҷуд надорад. Бо ёрии интернет ҷинояткорон метавонанд вақт ва макони ҳамлаҳоро ҳамоҳанг созанд. Ҳамин тариқ, хидмати шабакаҳои интернетӣ барои ҳама корбарони Интернет бидуни истисно имкониятҳои васеъ фароҳам меорад, ки дастрасии кушодро фароҳам овардааст.
Интернет барои паҳн кардани овозаҳо хело осон шудааст. Ҳамлаҳои террористии содиршуда дар чатҳо, блогҳо ва форумҳо фаъолона мавриди баррасӣ қарор гирифта мешавад. Яъне, терроризму экстремизм роҳҳову усулҳои зиёди густаришро ҳатто қариб дар ҳар хонадон пайдо кард. Ваъдаҳои дурӯғин ва пешниҳоди маблағҳои зиёд майнаҳои ҷавононро заҳролуд сохт. Ба ҷуз ин, онҳоро тавонистанд бовар бикунонанд, ки тамоми фаъолияту амалиёташон барои иҷрои мақсаду ҳадафҳои бузург ва барқарории адолату ҳақиқат мебошад.
Ҳамин тариқ, ҳаракати террористӣ дар Интернет як таъсири психологии ба таври возеҳ ба нақша гирифташуда ба аҳолӣ буда, аз ҷониби одамони махсус тайёркардаи дорои дониши муайян ташкил карда мешавад.
Чӣ тавр бо терроризм мубориза бурд? Айнан бо худи ҳамон усул – маълумотдиҳӣ ба воситаи шабакаҳои интернет. Террористон барои ҷалби диққати одамон маълумоти бардурӯғро истифода мебаранд. Аҳолии осоишта бояд огоҳ карда шавад, то бидонад, ки терроризм чист, он дар интернет чӣ гуна пайдо мекунад, кадом сайтҳо вуҷуд доранд, ҳадафи онҳо чист, боиси иштирок дар чунин гурӯҳҳо ва ғайра мегардад. Дониш мисли силоҳ аст. Шахсе, ки медонад ва огоҳ аст, он қадар осон нест, ки гумроҳ кунад.
Илова бар ин, мубориза бо терроризм бояд дар сатҳи ҷаҳонӣ — ҳамкорӣ дар соҳаи кӯмаки ҳуқуқӣ, табодули иттилооти иктишофӣ анҷом дода шавад. Зарур аст, ки қонунҳои ягонаи мубориза бо ҷинояткорӣ дар соҳаи компютерӣ қабул карда шаванд, то тафтиши ҷиноятҳо ва тафтиши чунин парвандаҳои ҷиноӣ сарфи назар аз сарҳади миллӣ сурат гирад.
Ғаниева Фирӯза- мудири муассисаи таҳсилоти томактабии №27-и ноҳияи Шоҳмансур
