Бо ҳадафи такмил додани сатҳи дониши амалии маъмурони барномаи таълимии “eDonish” дар муассисаҳои таълимии пойтахт санаи 15 ва 16-уми марти соли ҷорӣ бо ташаббуси Мақомоти иҷроияи ҳокимияти давлатии шаҳри Душанбе, Корхонаи воҳиди давлатии “Шаҳри ҳушманд” ва “Маркази таҳлилӣ-иттилоотии назди Сарраёсати маорифи шаҳри Душанбе” тренинги омӯзишӣ гузаронида шуд.
Тренинги мазкур дар толори муҷаҳҳаз бо компютерҳои замонавии “Маркази таҳлилӣ-иттилоотии назди Сарраёсати маорифи шаҳри Душанбе” дар ду марҳила бо иштироки беш аз 115 маъмури барномаи eDonish доир гардид.
Дар ҷараёни тренинги омӯзишӣ мутахассиси ҶДММ “Симин”, Эмомов Иброҳим дар мавзӯи “Шабакаи локалӣ” баромад намуда, ҳамчунин дар бораи ба кор даровардани калиди (автомати) барқӣ, ба кор даровардани UPS, ба кор даровардани свитч, пайвасти ноқили интранет (интернет дар ҳудуди шабакаи локалӣ) аз васлак ба компютер, тафтиши пайваст будани компютери корбар ба шабакаи Интранет барои иштирокчиёни маъумоти муфассал дод.
Мутахассиси шаркати “Вавилон -Т”, Қаҳҳоров Фарҳод бо пешниҳоди презентатсия дар мавзӯи “Интранет ва тарзи воридшавӣ ба сомонаҳои дастрас” баромад намуда, барои иштирокчиёни тренинг дар бораи мафҳуми Интранет, медиаконвертер ва тарзи тафтиши он, ҳамчунин дар бораи усулҳои пайвастшавӣ ба сомонаҳои дастрас дар ҳудуди шабакаи Интранет маълумот пешниҳод намуд.
Сармутахассиси “Маркази таҳлилӣ-иттилоотии назди Сарраёсати шаҳри Душанбе”, Шодӣ Муродов баромадкунандаи дигари ин тренинги омӯзишӣ бо пешниҳоди презентатсия дар мавзӯи “Кор бо компютер ва браузерҳо” баромад намуда, барои иштирокчиёни тренинг дар бораи усули бенуқс фаъол ва хомӯш намудани компютер ва ҳамчунин насб ва истифода намудан аз браузери “Google Chrome” маълумот пешниҳод намуд.
Дар идомаи тренинги омӯзишӣ мутахассиси “Ватан ИКТ”, Азизов Абдусамад бо мавзӯи “Камераҳои FaceID” баромад намуда, ҳамчунин дар бораи бехато фаъол намудани калидҳои барқӣ, танзими камераҳои назоратӣ, пайвасти камераҳо ба свитч, муайян намудаи ҳолати коршоямии камераҳои назоратӣ ба свитчи ягона барои ҳозирин маълумот пешниҳод намуд.Мутахассиси “Ватан ИКТ”, Ҷӯраева Азиза баромадкунандаи дигари ин тренинг бо презентатсияи дар мавзӯи “Тарзи корбарӣ бо барномаи “eDonish” баромад намуда, ба иштирокчиёни дар бораи роҳандозии кори дуруст дар барномаи “eDonish” машғулияти амалии манфиатнок гузаронид.
Дар қисмати хотимавии тренинг иштирокчиён, ки маъмурони барномаи “eDonish” дар муассисаҳои таълимии пойтахт ҳастанд, ба ҳама саволу муаммоҳои кории худ аз мутахассисони дар тренинг баромадкарда посухҳои мушаххсас гирифанд. Иштирокчиён аз кори тренинги мазкур қаноатманд будани худро иброз намуда, таъкид доштанд, ки баргузории чунин тренинг ба мақсад мувофиқ ва саривақтист.
