Дар асоси фармоиши вазири маориф ва илми Ҷумҳурии Тоҷикистон бо мақсади иштирок дар Озмуни байналмилалии «TeenEagle» аз фанни забони англисӣ, ки рӯзҳои 31 июл то 7 августи соли 2022 дар шаҳри Лондони кишвари Бритониёи Кабир, донишгоҳи Брунел баргузор гардид, 76 нафар хонандагон бо ҳамроҳии 10 омӯзгори фанни забони англисӣ аз Тоҷикистон иштирок намуданд. Санаи 5 августи соли 2022, дар Донишгоҳи «Оксфорд»-и шаҳри Лондон маросими қадршиносии ғолибони олимпиадаи байналмиллалии «Teeneagle» аз фанни забони англисӣ баргузор гардид. Олимпиадаи мазкур рӯзҳои 2-5 август аз рӯи 4 бахш ва 2 категорияи синну соли «ИГЛЕТС» (синфҳои 5-8) ва «ИГЛС» (синфҳои 9-12) баргузор гардида, дар он 27 давлат ва зиёда 400 хонандагон иштирок намуданд. 31 нафар хонандагони мо ба гирифтани 3 медали тилло, 12 медали нуқра ва 16 медали биринҷӣ муваффақ гаштанд.
