Пас аз наҳорӣ истироҳаткунандагон дар тренинги омӯзишӣ дар мавзуи “Тафаккури эҷодӣ” (Креативное мышление) иштирок намуданд. Тренинг аз ҷониби Шукруллоева Шабрез баргузор гардид. Мурабии тренинг роҷеъ ба тарзу усулҳои дуруст истифода бурдани тафаккури эҷодӣ маълумот дод. Тафаккури эҷодӣ рукни асосии рушди маънавии инсон аст. Дар корҳои гурӯҳӣ ва дар рафти мубодилаи афкор хонандагон зарурати сайқал додани тафаккури эҷодиро фаҳмонида, онро ҳамчун омили пешбарандаи ҳаёти иҷтимоӣ ва иқтисодӣ номбар намуданд.
